İran mediası hərəkətə keçdi: Manna Azərbaycan dövləti deyil

11:27 17-05-2019 20

Ərdəbil əyalətinin Turizm, Əl İşləri və Mədəni İrs Təşkilatının rəisi Nadir Fəllahinin haqlı olaraq Mannanın türk dövləti olduğunu deməsi paniranist qüvvələrin etirazına səbəb olub.

Kult.az xəbər verir ki, onlar özlərinə məxsus kütləvi informasiya vasitələrində Mədəni İrs Təşkilatının rəisinə qarşı hərəkətə keçiblər.

İranın təhlükəsizlik orqanlarına bağlı “Azəriha” saytı bu barədə bir neçə yazı dərc edərək, Nadir Fəllahinin bu sözlərini “bölücülük” kimi qiymətləndirib və açıqlamanı təkzib etməyə çağırıb.

Qeyd edək ki, Nadir Fəllahi 18 may – Beynəlxalq Muzeylər Günündə Ərdəbildə tarixi Azərbaycan dövləti olan Manna dövrünə aid 3 min illik qədəhin nümayiş etdiriləcəyini açıqlayıb və Mannanın türk dövləti olduğunu vurğulayıb.