Müstəntiq kömək söz verdiyi sahibkardan 13 min dolları necə alıb? - VİDEO

16:18 07-11-2019 115

“Sahibkarları boğurlar, soyurlar, incidirlər. Bu, dözülməz haldır. Bax, 30 minə yaxın iş yeri bağlanıb. 67 min daimi iş yeri yaradılıb, 30 mini bağlanıb. Bax, bunun təhlilini aparmaq lazımdır. Mənə məlumat verilsin ki, o iş yerləri hansı səbəblər üzündən bağlanıb. O müəssisələrin rəhbərlərini dəvət etmək, soruşmaq lazımdır. Buna son qoyulmalıdır”. Bunu prezident İlham Əliyev çıxışlarının birində səsləndirib.

Ölkənin birinci şəxsinin bu cür alqışlanası çıxışına rəğmən nəinki yerli, hətta əcnəbi sahibkarlar da təzyiqlərlə üzləşir, bəzən tamamiləı müflis olurlar. 

 

Sahibkarlığa əngəl

 

Son vaxtlar hökumətin sahibkarlığa dəstək olmaq təşəbbüsü təqdirəlayiqdir. Aydındır ki, bu məsələ əsasən neftdən ciddi şəkildə asılı olan büdcənin son bir ildə əvvəlki kimi rahatlıqla dolmaması ilə bağlıdır.

Ancaq bu məsələ ilə bağlı bir neçə sual doğur: İllərlə incidilən, şantaj olunan, halal zəhməti ilə qazandığı gəlirinə məmurların şərik çıxdığı kiçik, orta və böyük sahibkarların şikayətləri bu vaxta qədər niyə eşidilmirdi?

Kiçik və orta sahibkarların qarşılaşdığı problemlərlə bağlı material hazırlayarkən bir-birini tanımayan kiçik sahibkarların eyni ifadələri işlətməsi diqqətimi çəkmişdi.

Onların hər biri iddia edirdi ki, Vergilər Nazirliyinin məmurları müntəzəm olaraq onların dükanlarına baş çəkir və hər ay müəyyən məbləğ tələb edirlər.

Sahibkarlığa maneəni həmçinin polis, əcnəbilərə münasibətdə həmçinin miqrasiya idarəsi yarada bilir.


Naira Saxtarova-Tural Əhmədov cütlüyü 

 

Milletinsesi.info olaraq gürcüstanlı sahibkar Leyla Janaşiyanın başına gətirilənləri misal çəkə bilərik.

Bakı şəhər, Neftçilər prospekti 87, mənzil 30-da kirayədə qalan Gürcüstan vətəndaşı, sahibkar Leyla Janasiyanın Bakıda düz bir milyonluq malını mənimsəyiblər. Başını itirən qadın intihar həddinə çatıb.
Leyla Janasia təxminən 2006-cı ildə Bakıda olarkən Gürcüstan Respublikasının vətəndaşı, milliyyətcə azərbaycanlı olan Nailə Saxtarova ilə tanış olur.Həmən vaxt Leyla antik əşyaların satışı ilə məşğul olurmuş.

Azərbaycan dilini pis bildiyindən müştərilərlə ünsiyyət üçün Naira ona kömək etməyə başlayıb. Əvəzində o da Nairaya maddi yardım edib.
Sonradan məlum olub ki, dili bilmədiyindən illər ərzində Naira dələduzluq edərək əmlakını mənimsəyib.
Qeyd edək ki, Nairanın əsil adı 2006-cı ilədək Rebeka olub.

 

Leyla yazır:

 “Təxminən 2006 –ci ildə Gürcüstan Respublikasının vətəndaşı ,milliyyətcə azərbaycanlı olan Rebeka (təxminən 2008- 2009 –illərdə o Naira adını dəyişərək Rebeka adını rəsmiləşdirmişdir)Saxtarova adlı şəxslə tanış oldum.(Ünvan:Bakı Şəhəri,Nərimanov r-nu.Təbriz küçəsi,770-ci məhəllə,ev 6 .mənziil 68 Tel:050 594 55 52)Həmin ərəfələrdə mən köhnə (antekvar ) əşyaların alqı -satqısı ilə məşğul olurdum.Bu baxımdan mən azərbaycan dilini bilmədiyim üçün Rebeka mənə köməklik edirdi.Sonradan mən BUM –da icarəyə götürdüyüm yerin icarə məsələlərində, vergi məsələlərində mənə köməklik edirdi.

Belə ki, o Arif adında 70 yaşlı bir kişi ilə nigaha daxil olmuş, bununla da azərbaycanda yaşamaq hüququ olduğunu mənə bildirmişdir.Belə ki, o icarəyə götürdüyüm mağazanı o öz adınakeçirtdi.Onu əsas gətirdi ki, sənin səlahiyyətin yoxdur, azərbaycan vətəndaşı deyilsən. Qoy mənim adımda olsun.Mən razılaşdım.

O mağaza ilə müqaviləni, və vergisini öz adına rəsmiləşdirdi , lakin mağazanın icarəsini də , vergi pulunu da mən hər ay özüm ödəmişəm. Bunun müqabilində mən ona hər ay maddi yardım edirdim.

Lakin sonradan mənə məlum oldu ki,Rebeka mənim azərbaycan dilini bilməməyimdən , sənədləşmə işlərimi onun adına olmağından məharətlə istifadə edərək,mənim etibarımdan sui- istifadə edərək mənə dələduzluq etmişdir.

İşin faciəvi cəhəti odur ki,bu işdə Rebekaya yaxın olan, mənə özünü Daxili İşlər Nazirliyinin əməkdaşı kimi təqdim edən, Tural Etibar oğlu Əhmədov (tel: 055 382 00 82,055 446 57 49) ona havadarlıq etməyə başladı. O tutduğu vəzifədən, və tanışlardan sui—istifadə edərək , Rebeka ilə birləşib müəyyən oyunlar qurdu.

Bildirirəm ki,Tural ailəlidir. İki az yaşlı usagı var.Sual olunur ki, Rebeka ilə Turalı nə bağlayır? Qohumluqmu?Yox !!! Tural Rebekanınn qızı Aylini qeyri rəsmi saxlayır.Ondan iki yaşlı oğlu var. Rəsmi nigahdan iki azyaşlı usagı var. Rebeka ağızdolusu hamıya “kürəkənimdir” deyir.

Belə ki,bu cütlük  guya polislərin məni axtardığını, vergiyə borclu olduğumu bildirərək , müxtəlif adamlara zəng elətdirərək Yasamal, Səbail, Nəsimi polis idarələrinə dəvət etdilər. Polis adı ilə ( 055 624 31 89, 050 404 35 54, 055 211 67 56) bu nömrələrdən mənə zəng edib məni hədələdilər. Tural 3 min dollar,  guya polisə vermək adı ilə məndən alıb onları susduracağına söz verdi. Mən ona pul verəndən sonra mənə zəng gəlmədi. Sonra Tural guya vəkil tutmağa məndən 1000 dollar pul aldı. Rövşən adlı tanımadığım bir vəkili tutdu.Vəkil də onların öz adamları idi.Onlar onu öyrətdilər. Rövşən azərbaycanca danışırdı.

Rebeka mənə guya gürcücə tərcümə edirdi.. Rövşən mənə dedi ki, mən guya vergiyə 28000 manat borcluyam. Bu borcu ödəməsəm onda məni həbs edəcəklər. Sonra Tural və Rebeka mənə dedi ki, heç yerə çıxma , mağazaya da getmə, səni görməsinlər.Bu problem həll etmək üçün Tural məndən 5000 ABŞ dolları istədi. O pulu mən ona 5gün müddətinə gətirməliydim. Mən o məbləği tapa bilmədiyim üçün Tural mənə dedi ki, mənim tanışım var , onun bankı var, ona 13000 dollar dəyərində gümüş qoyub 5000 dollar götürmək olar. Tural mənim mağazama gəlib 2 gümüş vaza, iki gümüş bardağı guya işi həll etmək üçün apardı.

( Həmin gümüş əşyaların Şəkillərin təqdim edə bilərəm)Sonra mən öyrəndim ki, bunlar məni oyuna salıb aldadıblar . Mən Turala dedikdə ki, bu nə məsələdir, mənə dedi ki, mənə bir də müraciət etmə.Get məsələni Rebeka ilə həll et. Telefonun söndürdü, növbəti gün nömrəsin dəyişdi. Onda mən özümə vəkil tutmalı oldum. Namik adlı vəkillə müqavilə bağladım.

O mənlə birlikdə işə gəldi, Rebeka və qızı Aylin mağazada idi.Vəkil bu məsələ ilə bağlı maraqlandıqda Rebeka vəkilə dedi ki, o məndən pul götürməyib. Mən yalan danışıram..Guya mənim ona borcum olub. Onlar vəkilin yanında hay- küy qaldırdılar və mağazanın açarın dəyişərək mənə vermədilər. Dedi ki, oradakı mallar artıq ona məxsusdur.Bu oyunların başında Tural dururdu.Bu yaxında o mağazaya gəldi. Maraqlıdır ki, o hansı haqq , hansı səlahiyyətlə mağazaya gələrək, oranın müdiri ilə danışıb , son 2018- ci il üçün mənim arendaya verdiyim 15 min dollar pulumu, mənə qaytarmağı təklif etdi. Dedi mağaza mənimdir, mallar da mənimdir. Əgər mallarını istəyirsənsə onda məhkəməyə get.”


Miqrasiya Xidmətinin əməkdaşı qanunu necə pozur

Hazırda Leylanın mağazasının vergi və icarə müqaviləsi Turalın bacısı Əhmədova Ülkərin adına rəsmiləşdirilib. Bunu Tural bilərəkdən təşkil edib ki, sonradan mallarımın ona məxsus olduğunu qeyd etsin.

Leylanın dediyinə görə onu ölkədən qovdurmaq üçün  Tural – Rebeka cütlüyü , Bakı Miqrasiya İdarəsi ilə anlaşıblar. Birinci dəfə 2019 –ci il , 25 fevralda Miqrasiyadan Rüfət İbrahimov ona zəng edərək Miqrasiya İdarəsinə  dəvət edir.Guya ki şikayət var.

Leyla ondan kimin şikayətçi olduğunu soruşduqda , Rüfət İbrahimov deyir ki, sənin Dilarə adlı qadına borcun var, o sənin Respublikadan deport olmağını istəyir.( Halbuki, hansı axmaq borclu olanı deport olunmasın istəyər ,əgər ona borcu varsa)

Gürcü sahibkar qanunsuz olaraq 4 saat saxlanılır. Rüfət İbrahimov hətta protokol tərtib edir. Lakin idarənin rəisi gəlib çıxanda Leylanın qanunsuz saxlandığını görüb üzr istəyir və azad edir.

Deporta növbəti cəhd 2019- ci il , 15 iyul da olur.Rebaka-Tural-Rüfət İbrahomov üçlüyü Janaşiyanın 400 manat cərimə olunması və 3 illik deportasiya qərarı verilməsinə nail olmaqistəyirlər.

Rüfət onun deport sənədinə imza atmağını istəyir. Yalnılz vəkilin müdaxiləsindən sonra azadlığa buraxılır.

 

Verilən 13 min dolların  video və audio yazısı var

Yuxarıda adını çəkdiyimiz Dilarə adlı qadın lombard müdiridir. Və gürcüstanlı sahibkarın BUM-dakı bir milyonluq əmlakının mənimsənilməsində Naira Saxtarova və Tura Əhmədovla sıx əlaqədə olub.

Bu ilin əvvəlində Dilarənin ərizə ilə Sabael Polis İdarəsinə müraciət edib ki, guya Leylanın ona borcu var.  Bu işi müstəntiq Cavid Məmmədov araşdırır.

Leyla Janaşiyanın sözlərinə görə hüquqlarını qorumaq üçün 5 saylı Hüquq Məsləhətxanasının vəkili Namiq  Ələkbər oğlu Ələkbərovla  (050 210 78 90 ) müqavilə bağlayır. Vəkil mağazaya gəlir, vəziyyətlə yerində tanış olur, Rebeka ilə qızı Aylini də orada görür.

Söz verir ki, kömək edəcək. Leyla ona 3 min manat pul verir.

Həmin müddətdə vəkil deyir  mağazadakı mallarını da geri qaytararlar. Müstəntiq kömək edər. Leyla Janaşiya da qarşılıqlı iddia ilə müraciət edir ki, mənimsənilmiş malları geri qayıtsın. Müstəntiq Cavid Məmmədova natariusda təsdiq edilmiş sənədləri təqdim edir. Həmin sənədlər malların məhz gürcüstanlı sahibkara məxsus olmasını təsdiqləyirdi.

Vəkil işin əvvəlində müstətiqə vermək üçün 3 min dollar alır.  Sonradan vəkil müstəntiq üçün əlavə 10 min dollar da tələb edir.

Sonuncu dəfə sentyabrın 20-də vəkil Namiq Ələkbərova on min (10 min ABŞ dolları) verir.

Leyla Cavid Məmmədovdan həmin pulun ona çatdığını soruşanda sonuncu təsdiqləyir.

Ancaq sən demə vəkil və müstəntiq zavallı qadının aldadıblarmış. Leyla Janaşiyaya məlum olur ki,  Cavid hələ iyul ayın 31-də cinayət işinin rədd edilməsi haqda qərar qəbul edib. Bununla belə 2 ay sonra “köməklik” adı ilə sahibkardan vəkilin əli ilə 10 min dollar alıb.

Qyd edək ki, pulun vəkilə, müstəntiqə  verilməsini video və audio yazıları vardır.

Həmçinin “vapsap” yazıları. Gürcü sahibkar bu faktları ekspertizaya təqdim etməyə hazırdır.

Gələn saylarımızda həmin lentləri təqdim edəcəyik. 

Aidiyyatı qurunlardan- Baş Prokurorluq, Daxili İşlər Nazirliyindən bu məsələyə diqqət ayırmalarını xahiş edirik.