Təhsil Nazirliyi yanında İctimai Şuraya seçilən üzvlərin adları açıqlandı - SİYAHI

13:18 04-09-2019 45

Bu gün Təhsil Nazirliyi yanında İctimai Şuranın üzvləri seçilib. Azərbaycan-Fransız Universitetinin binasında təşkil olunan seçki şəffaf keçirilib. Modern.az.az-a istinadən səsvremə nəticəsində İctimai Şuraya üzv seçilənlərin adlarını təqdim edirik:

Orucov İlqar;
Mikayılova Ülviyyə;
Əsgərov Şahlar;
Kazımzadə Elmina;
Əliyev Etibar;
İsrafilov Nadir;
Vəliyev Anar;
Cəfərzadə Mirzə;
Cahangirov Asif;
Əliyev Mais;
Əlizadə Hikmət.

Qeyd edək ki, İctimai Şuraya namizədliyə və seçici qismində iştirakla bağlı Təhsil Nazirliyinə (elektron qaydada və ya Vətəndaşların Qəbulu Mərkəzinə) 125-dən çox müraciət daxil olub. Həmin müraciətlər Təhsil Nazirliyinin və vətəndaş cəmiyyəti institutlarının nümayəndələrindən təşkil olunan Seçki Komissiyası tərəfindən yoxlanılıb. Seçkilərdə sənədləri qanunvericilikdə nəzərdə tutulan tələblərə uyğun olan 44 seçici və 34 namizəd rəsmi qeydiyyata alınıb.
Təhsil Nazirliyi yanında İctimai Şura Təhsil naziri Ceyhun Bayramovun 11 iyul 2019-cu il tarixli əmrinə əsasən yaradılır. İctimai Şura təhsil sahəsində müxtəlif məsələlərin müzakirəsi üçün məsləhətləşmələr təşkil etmək, təhsil sahəsində dövlət siyasətinin həyata keçirilməsi ilə bağlı Nazirliyə təkliflər vermək və qanunvericiliklə müəyyən edilən digər hüquqlara malik olan məşvərətçi qurum olacaq.