"Vaqif Əliyev və qohumları" işində zərərçəkənlər mətbuat konfransı keçiriblər - VİDEO

15:53 08-11-2019 90

"Vaqif Əliyev və qohumları" işində zərərçəkən şəxslər mətbuat konfransı keçiriblər.

AFN.az xəbər verir ki, zərərçəkənlər mətbuat konfransında cinayət işinin detalları barədə danışıb və iş üzrə istintaqın gedişatından narazılıqlarını bildiriblər.

Onlar V.Əliyevin və oğlu Orxan Əliyevin həbs olunması üçün kifayət qədər əsaslar olmasına baxmayaraq, hələ də azadlıqda gəzmələrinə etirazlarını bildiriblər.

Daha sonra Vəkillər Kollegiyasının üzvü, iş üzrə zərərçəkənlərin vəkili Emil Bədəlov cinayət işi barəsində məlumat verib və zərərçəkənlərin cinayət işinin gedişatından narazı olduqlarını bildirib.

Qeyd edək ki, V.Əliyevin baldızı oğlu N.Qarayev "Azfen" BM-də layihə rəhbəri kimi işlədiyi dövrdə onlarla insanı etibardan sui-istifadə etməklə aldadıb, ümumilikdə 4 milyondan çox pulu dələduzluq yolu ilə mənimsəyib. Zərərçəkənlər iddia edirlər ki, onun bu əməlində xalasının həyat yoldaşı Vaqif Əliyev və oğlu Orxan Əliyev də iştirakçı olublar.

Mətbuat konfransından hazırlanmış videomaterialı təqdim edirik: